PUT THE POLITICIANS ON THE MINIMUM WAGE AND WATCH HOW FAST THINGS CHANGE
Civilisation has operated in two ways - To make one part of society more affluent and the other more wretched than would have been the lot of either in a natural state
There are Natural Rights and Civil Rights. Life, Liberty and the Pursuit of Happiness
Where Our Power to Execute Our Natural Rights is Perfect, Government has No Legitimate Jurisdiction
When the Forces for War are Greater than the Forces for Peace   Then the World is in Danger
Politics is not a Dirty Word. It is a Way of Life. How is Your Way of Life Today ?
Burns 1

Haggis and Bashed Neeps with Chappit Tatties Anyone ?

Burns 1

A Man’s A Man For A’ That


1795
Type: Song
Tune: For a’ that.

Is there for honest Poverty 
That hings his head, an’ a’ that; 
The coward slave-we pass him by, 
We dare be poor for a’ that! 
For a’ that, an’ a’ that. 
Our toils obscure an’ a’ that, 
The rank is but the guinea’s stamp, 
The Man’s the gowd for a’ that. 

What though on hamely fare we dine, 
Wear hoddin grey, an’ a that; 
Gie fools their silks, and knaves their wine; 
A Man’s a Man for a’ that: 
For a’ that, and a’ that, 
Their tinsel show, an’ a’ that; 
The honest man, tho’ e’er sae poor, 
Is king o’ men for a’ that. 

Ye see yon birkie, ca’d a lord, 
Wha struts, an’ stares, an’ a’ that; 
Tho’ hundreds worship at his word, 
He’s but a coof for a’ that: 
For a’ that, an’ a’ that, 
His ribband, star, an’ a’ that: 
The man o’ independent mind 
He looks an’ laughs at a’ that. 

A prince can mak a belted knight, 
A marquis, duke, an’ a’ that; 
But an honest man’s abon his might, 
Gude faith, he maunna fa’ that! 
For a’ that, an’ a’ that, 
Their dignities an’ a’ that; 
The pith o’ sense, an’ pride o’ worth, 
Are higher rank than a’ that. 

Then let us pray that come it may, 
(As come it will for a’ that,) 
That Sense and Worth, o’er a’ the earth, 
Shall bear the gree, an’ a’ that. 
For a’ that, an’ a’ that, 
It’s coming yet for a’ that, 
That Man to Man, the world o’er, 
Shall brothers be for a’ that.

Similar Recent Posts by this Author:

Share this post

Share on facebook
Share on google
Share on twitter
Share on linkedin
Share on pinterest
Share on print
Share on email